【圖輯】47人案新西8人、梁國雄、柯耀林開始求情 李予信、林進、王逸戰排隊旁聽

[emily]

【圖輯】47人案新西8人、梁國雄、柯耀林開始求情　李予信、林進、王逸戰排隊旁聽

攝：HLK

47 名民主派被控「串謀顛覆國家政權」罪一案，參與新西初選的朱凱廸、張可森、黃子悅、伍健偉、尹兆堅、郭家麒、吳敏兒、譚凱邦，連同新東的梁國雄、柯耀林，周二（27 日）展開首日求情。

早上 8 時多，約有 70 人輪候旁聽，包括早前獲判無罪的李予信。旁聽人士之中，不少是天水圍街坊，前來支持前「天水連線」被告伍健偉。前「天水連線」元朗區議員林進於清晨 5 時多，抵達庭外排隊，「今日幾忙都好，都會嚟支持阿 K（伍健偉）」。

林進與伍於 2019 年相識，「大家經歷咗太多事情，一齊中胡椒彈，一齊俾人拉咁多次，嗰種感情、關係，唔係用時間衡量到」。林進形容，伍健偉還押 3 年半仍有意志，「佢都好關心社會、關心出面嘅人」。林又指，伍選擇自己陳情，「佢都有啲嘢想同呢個世界講...佢都仲有咁多說話想同大家分享，係一件好值得我哋支持嘅事」。

他指，47 人案是香港最大政治案件，「作為一個香港人，其實點都有責任親身見證呢件事情，同佢哋一齊行呢段路」。林進指，未來仍然遙遠，「每日都腳踏實地走好每一日，我冇諗過離開，一直都會等佢出返嚟」。

前「賢學思政」召集人王逸戰早上約 8 時到庭外排隊，他指自己是新界西選民，2020 年曾與伍健偉一起擺街站，伍翌年因 47 人案還押，王其後亦被控串謀煽動顛覆國家政權罪，兩人在收押所相遇，雖然較少機會聊天，「但一個眼神大家領會到」。王續指，至他重獲自由，伍「都仲喺入面」。

王逸戰表示，「一嚟唏噓，二嚟覺得好諷刺同搞笑，明明可能之前見面喺出面擺街站、食飯，下一次見面就係隔住個窗我去探佢，再下多一次我哋一齊喺入面，仲要唔着衫喎，好玉帛相見嘅感覺囉」。

對王逸戰而言，伍較年長、資歷較豐富，「每一次傾偈、相處，我覺得除咗喺政治諗法，做人態度都係一種學習，係一種樂觀嘅態度」。他指，伍幾年來沒有改變，仍然很豁達，「到依家呢刻冇話要做一啲好宏大嘅事，平平安安可以簡單食一餐飯，已經心滿意足」。他又指，自己沒有特別想法，「我覺得我想盡可能留喺度」。

[emily]

47人案新界西8人開始求情　林進、王逸戰旁聽支持伍健偉
https://bit.ly/3Z1NvJE