真。香港人 - 討論組

星島報道立法會與內地企業科大訊飛合作，短期內推出實時字幕功能。報道突出了邊個立法會議員係滿口鄉音，例如尚海龍話AI暫無認錯其聲音和發言內容，自己廣東話「唔係咁差」。

最神奇係科大訊飛董事長在不同場合sell呢套系統，仲以廣東話半鹹淡的議員洪雯做例子，原來該系統以洪雯發音作素材，訓練識別廣東話功能。

洪雯話唔怕俾人笑，又自問發言有質量，實時字幕可幫助更多人了解其發言內容，而非被口音「吸引」。

洪雯話曾在不同AI詢問關於自己資料，發現AI會捏造事實，直言「AI取代唔到我」，可見呢班友到而家都未識用AI。

#20250617