追蹤黨媒 :陳穎欣勤於玩批鬥

[emily]

工聯會小花陳穎欣勤於開live玩批鬥，繼批鬥過曾鈺成後，上周三批鬥協助緬甸人質家屬的前區議員余德寶。

佢首先嘲笑余德寶想令人忘記黑暴惡行，故意發福易容，又話余德寶想參選才會協助人質，又質疑余叫當局唔好只救內地演員王星，係「陰啲陰啲挑動港人矛盾」。

但小編最唔明係，陳穎欣在片中只要提起區議會就不斷講「前衰議員」、「油尖旺衰議會」、「衰議會主席」，順口到唔記得自己好多黨友做緊區議會。

結果有聽眾留言話唔希望佢「日日講黃人」，有人話「做好你自己先啦，成日批評人地」，有人突破盲腸話：「最搞笑就係冇任何現任議員幫助受害者家人」。

#20250117