【6月12日・長夜未盡，尚未完結】

[matrix]

【6月12日・長夜未盡，尚未完結】
⠀
六年前嘅今日，香港人用血同淚，寫低咗歷史。612，唔只係象徵對抗極權嘅日子；都令更多人認清唔應該對中共政權存有任何寄望。

六年過去，傷痛未癒，志願未圓。
有人話：「搵個新地方好好生活好過，撐咁耐都冇用，香港已經玩完。」
但係，從歷史得知公道從來唔係一時三刻贏得，而係靠一代又一代人，繼續相信、繼續傳承、繼續等候黎明。

南非種族隔離制度維持咗超過40年，曼德拉坐咗27年監，最終見證自由重光；
東德人穿越柏林圍牆前，已經被困咗28年，無數家庭被分離，但最終圍牆倒下；
台灣嘅民主轉型，經歷咗白色恐怖、黨禁報禁、數十年壓迫，先至走到今日。

呢啲歷史話畀我哋聽：最難捱嘅時候，往往就係改變開始醞釀嘅時刻。

有人話：「搵個新地方好好生活好過，撐咁耐都冇用，香港已經玩完，真係可以光復到咩？」

- 831太子站恐襲受害人王茂俊：

「可以，到香港真係光復，到時我哋就可以返嚟。」

- 被政權百萬懸紅通緝劉祖迪亦都曾經講過：

「做難民，唔係香港人嘅目標。」

呢啲說話，唔係口號，而係承諾。係承諾我哋無論幾遠、幾攰、幾困難，我哋都唔會忘記自己係邊個，唔會放棄屬於我哋嘅香港。

而家，我哋喺英國、喺世界各流亡之地，有人喺庇護制度中煎熬，有人喺簽證轉折中掙扎。最近我哋整個團隊亦都因為各種簽證、庇護被拒嘅求助而面對沉重壓力。我哋仍然會盡做，但係呢啲協助唔係叫大家放棄，叫大家喺呢度重新開始，唔係叫大家遺忘。而係想大家喺呢度盡快喘息康復，繼而重整旗鼓。

雖然長夜嘅黑暗比我哋預計中更長，但係呢啲時間亦都可以畀我哋有更多時間準備去把握黎明。

活著、學習、裝備、團結，就係為咗有一日，當時機成熟，香港人可以再次集結，重奪主權。

香港184年6月12日