拖實」•「兄弟爬山
」同埸加映《香港秘密行動》（呢個至係主菜
）2021年中，有個有心人將
同另外三位不同背景身份，但有一個共通點嘅人拉埋一齊，為社區做咗一件事。之後大家冇乜聚過，只係係signal 谷吹吓水。兩個月前，🌶忽然吹雞話要爬Half Dome, 仲要off season
(拆曬所有登山設施）。對呢D死廢佬，從來唔去gym又唔hiking嘅人嚟講梗係睬佢都傻。之後🌶再聊，另外
已ok就差我，腦海嗰時忽然飛過「兄弟爬山」四個字，平時message打得多，但自己係咪真正做到？體會到呢？就想用「香港人」呢個身份，去實踐同體驗，死就死啦！18 miles hiking , 5000尺爬升，最後400尺攻頂。去之前已一直擔心自己係咪魯莽咗
。當日行咗1/3 已真心爆廠，邊
邊
曬全世界，🌶見我得半條人命，就幫我孭住埋我個背囊。捱到2/3已拖慢咗1 hr 進度，但已雙腳已抽曬筋，所以決定叫其他人行先，費事攬炒。之後只可每行2-300米一抽筋就抖抖，途中聽住歌，腦不停閃過呢三年發生既事，社會上的不公，牆內的一些臉孔。堅信只要肯繼續行，一定會去到，大不了咪天黑至到
。冇幾耐離遠見到Half Dome 🏔，嗱嗱聲影張相先，諗住香港人嘛，影咗當去咗，嗰時自知身體狀況已完全放棄攻頂，能完成18miles hiking , 已對自己有所交代，做人又唔好對自己咁苛刻
。去到Sub Dome, 又慢咗佢哋1/2 hr, 見到各人休息完，上齊架生，準備攻頂。
望住個🏔，PK 吖，冇理由嚟到至放棄？問要爬上去用手力定腳力多，話用手力，決定一搏，雖然雙腳已經全廢，但仲有雙手，「香港人」「不認命」冇可能唔試就放棄。最後🌶三人同成登頂！「兄弟爬山」呀喂
! 上到山頂，做吓D指定動作，以為完咗？梗係未，仆佢個街，一半咋，落山一樣要行返咁多，一行又五粒幾鐘，Diu！好感激入黑都陪我慢慢行落山。玩完呢鑊，抖咗成個禮拜，而家生命指數至開始回穩有力出post。「香港人」身份後記：
1）「兄弟爬山，各自努力」。爬山真係一步一步都係靠自己，冇人可以幫你/代你行，付出係必然。
2）但身邊人嘅協助（孭一陣背囊，冇晒水嗰陣時俾啖水你飲），雖然唔能成就什麼，但雪中送炭對一向冇乜感情嘅
黎講都覺窩心。在能力範圍內，嘗試多啲協助身邊其他人。3）每人能力唔一樣，硬要跟另一人行，其實仲辛苦，對方就你亦然。用自己節奏行自己路，只要目標一致，總有一天大家會相遇。
4）行得攰就抖吓，抖完記住繼續行，係外國，安穩生活好易變回港
。5）最老土嗰句，「嘗試」，「堅持
，「能做到的，一定比你想像中多！」，希望大家嘗試行出第一步做你之前冇諗過要做嘅嘢，就算少少都可以。6）冇人可以話比你知，山後面風景係點，只有堅持下去的人才能睇到。
7）以為一切完咗？路只係行咗一部份，仲有大把要路行，有人陪伴，或知道有人等緊你，係無力感中的一種「最大」支持，至珍貴。
《香港秘密行動》之前出過一次post，但今次
少有地要再認真推介多次比大家，因為呢本書紀錄咗10個係台灣流散香港人嘅故事。呢本書冇乜人知，因為係香港白色恐怖下冇人敢發行，冇書店入貨，香港亦已沒有媒體報導同推介。得Tee4hk, 台灣水果店等social media 出過團購。楊威利修，幾經周折，用自己人脈搵到台灣流散港人願意分享他/她們故事（其實流散人很多不願意被公開或報導他的事蹟，因為怕成為將來對他不利的證據），最後將10個不同人的經歷同現況收錄成書。
相信其他地方亦有人做緊相同的事，但《香港秘密行動》係市場上第一本能「成功面世」既作品。在
眼中沒有「義士」、「黑暴」之分，只有一個一個為香港付出過的個體。從此書不是要窺秘一些不為人知的事，或是要歌頌某些人行為。只係2019 年所發生嘅事，每個不同背景、原因、所付出過的，經歷過的，同現在近況，都應該值得用文字一一紀錄下來，作為歴史的一個見證。我們儘管不是參與其中，亦不能分擔他們的傷/痛，但盡力保存歴史亦是我們的責任。購買呢本書同時亦係對流散海外港人的一種支持，讓他們知道我哋知道他/她們的存在，沒冇忘記每一個曾經為香港付出過的「香港人」。19年後，坦白失去的實在太多，但「香港人」亦得到前所未有嘅連繫，一句話、一首歌、一個點頭、一個微笑已能把大家連繫，好好珍惜呢樣解鎖技能，咪老土又嘈埋D無謂嘢，係壓迫嘅社會環境底下大家記住要「拖實」
感謝這兩年身邊巧遇嘅每一位「香港人」，生命影響生命，大家互相影響，Butterfly effect未來亦因而改變。
【香港秘密行動】（已入咗一批現貨)
來價約$18+ 空運$8= 每本USD$26P.S. 本書所有版稅扣除支出，楊威利修全數捐贈「保護傘」
