#陳仲衡法官
#20200307爆炸 #審訊 [123 / 75+25]
D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
D1～D4 已還押逾61個月；D7 已還押逾37個月控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥
--------------
控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官
辯方代表： D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師
========
[09:00] 開庭
D1 案情，D1 作供 辯方主問
開始睇電話中的Telegram 紀錄，案中D1 牽涉三部電話，第一部係在宏創方503室搵到的Samsung防水電話(SN324)，第二部係在D1 身上搜到的金色iPhone(SN46)，第三部係在D1 身上搜到的黑色iPhone(SN49)。
Samsung防水電話(SN324)，展示警方拍攝該電話TG 用戶的資料，名稱係「想和你通渠」，TG ID：@tunnelking852。展示「想和你通渠」與「叉雞飯阿陳」的對話，D1 稱「想和你通渠」不是自己，唔認識「叉雞飯阿陳」，對話由2019/12/31 ～ 2020/2/2，期間該電話不在D1手上，與內容無關。
律師問有另外TG群組，有「叉雞飯屌你老母」，問兩人有無關係；D1 解釋在社運期間，因為有一位大叔想去茶餐廳食飯，同防暴警察發生衝突，過程拍片上咗網，在高登連登討論區瘋傳，香港網絡大典都有，示威者尊敬該大叔，好多人改咗呢個名...，陳官
喝止，唔使深究原因。D1 表示唔知兩人有無關係，曾經見過有五至六個人改咗名，有「叉雞飯」三個字。在同一電話，展示「想和你通渠」與「五飛」的對話，D1 承認五飛係自己，用緊黑色iPhone ，想和你通渠係阿鬼，用緊Samsung 電話，對話由2019/11/22 開始，當日電話在阿鬼手上，19:16 借咗該電話準備落水渠視察，拍攝咗水渠內一些相片由該電話傳出；2020/2/5 19:52 五飛在對話中寫出自己的中文全名，下一個訊息係一條link，D1 記憶係叫阿鬼幫手申請一啲嘢，所以報上全名，當時已經還返該電話畀阿鬼。
2020/2/21 對話中出現D1 與D7 去泰國旅行的相片。
展示另一段「想和你通渠」與 Deleted Account 的對話，D1 稱當時Samsung 電話不在自己手上，自己唔係deleted account ，2020/2/2 14:24 想和你通渠：咁直接入粉嶺火車站等埋叉雞飯。D1不知訊息，同自己冇關。
黑色iPhone (SN49)展示「五飛」與「William Wallace」的對話，D1 解釋2020/2/2 已經借咗電話俾阿蛋，所以William Wallace 係阿蛋，D1 係用緊黑色iPhone (SN49)，阿蛋係用緊金色iPhone (SN46)。
2020/2/8 阿蛋傳出一張魚桿相，D1 解釋係叫阿蛋在自己手機中揾呢張相，傳返畀佢工作用。
2020/2/18 13:30 阿蛋傳出一段好長嘅錄音，D1估計係佢傳錯。
2020/2/26 13:32 D1 傳咗一個色情影片的link 給阿蛋。
2020/2/29 21:34 D1 帶阿蛋去釣魷魚，阿蛋影咗D1 有收穫的相，傳返俾D1。
2020/3/1 02:13 阿蛋轉發九十二籤嘅貼文。
2020/3/1 03:58 阿蛋轉發九十二籤另一貼文，係一條以太幣交易群組的link。
2020/3/2 07:30 D1 轉發LIHKG 公海link。
2020/3/5 14:59 D1 轉發咗「老豆揾仔」的貼文畀阿蛋，因為佢早前想搵將軍澳區警察的資料。
人物：Freedom Hai展示「五飛」與「Freedom hai」的對話，D1 指Freedom hai 係年青女仔。對話由2019/10/9 開始，應係在2019/10/8 識佢，開始閑聊，D1 有提過整盾牌，在CityU 教班，表示關心佢。
2019/11/16 Freedom hai 話在理大，D1 亦在理大，知道freedom hai 隻腳受咗傷，有去搵佢。D1 指當時理大仲未圍封，可以自由出入。
[10:08~10:44] 休庭
跟進小休前2019年11月16日五飛同Freedom Hai 兩人進入理大後TG訊息，Freedom Hai 指在理大內再次爆傷口要縫3針，D1理解她指被玻璃碎割傷，自己親眼見到，關心問佢腳有冇事只因對方後生及靚女，想同佢傾下計。
帶噴火器入理大11月16日清晨之後2人離開理大，五飛留訊息指「本來想擺PC喉入去整弓㗎，但係又圍住曬，而家唔知點」，之後話聽日再入去。
11月17日12:03時五飛對話指剛剛整好「噴火器」再入了理大，D1答不是庭上播過那款，是帶了支石油氣點火器及手搖噴漆，但最後自己冇用也沒借過比其他人。
資助計劃書其後五飛問Freedom Hai幫手寫計劃書，叫家長資助前線示威者。11月19日五飛再分享自己在理大Y座傍及公主道位置，11月20日五飛回答Freedom Hai自己安全，說琴晚爬到Z core，外牆比狗（警察）追，救唔到人。雙方再討論五飛幫手再爬渠入理大救示威者。
11月21日 Freedom Hai發訊息表示擔心D1多個小時冇覆，五飛最後將一張自拍相發送2次，D1解釋當時潛水但入不到理大，對方可能擔心發訊人另有其人所以自己比相確認。D1離開理大在TG再約對方一齊食飯。
隨後D1問對方個proposal寫成點？D1指係問滅火筒proposal，自己經過工業街後巷見到滅火筒，見到釣魚船家因船上要有滅火筒，諗過回收幫佢哋充氣賺少少錢。陳官問D1之前在TG只係講過籌款俾示威者計劃，TG冇提及滅火筒？D1同意，滅火筒計劃是大家在電話傾。
其他對話11月23日 兩人對話有提過區選鐵票，D1認為選舉已經冇意思。其後Freedom Hai講adventure，D1答報仇一定要行動，D1說只是純粹時事評論咁講下冇行動。之後D1話教Freedom Hai射箭，D1解釋指是集武行為，並非報仇，但同意陳官看法射箭不是自衛。D1也向對方提及反跟縱方法。11月24日 17:55時D1再進入理大後回家報安全，也提及想再在行車天橋游繩救人，但D1說最終只講冇做。
對Freedom Hai有意思辯方代表指雙方頗多不同話題，D1同意對Freedom Hai有追求意思。展示11月26日對話，五飛祝Freedom Hai當天手術成功。同日五飛轉發一段訊息指有人成立Channel令更多戰士受惠，當中包括受傷、被捕、文具補給、失業同屋企人嘈交生活緊絀，並附上申請流程。D1指是因知Freedom Hai入理大後受傷所以比佢參考。
11月27日 Freedom Hai留訊息比五飛話跟團長學射箭，D1指「團長」即自己，因集武時改咗個名叫「鐵華團」，自己教人所以叫團長。晚上7時左右Freedom Hai發訊通知出院。
[12:24 ～ 12:51] 小休
展示11月28日對話，00:21時五飛表示想行水路入理大，但叫Freadom Hai 唔好做任何行動，對方不認同。雙方討論戰述應對方法及策略，五飛認為可以入黑後試由A core進入。D1補充知對方語調激動，警方進入會捉留下來的人，所以討論後期向Freedom Hai指CID冇能力查晒每一幢樓，也取笑對方用柺杖，扮哨一流一定唔會拉。五飛繼續又問Freedom Hai係咪白羊定人馬座？對方否認。D1解釋這是佢追女仔的口吻。
五飛同想和你通渠對話11月28日01:31時五飛用手機發資料比「想和你通渠」，解釋因自己約「想和你通渠」再爬渠入理大，對方在地面，所以發出資料去佢部防水手機TG留紀錄。
閒聊及提整鋁熱彈同日08:29時五飛向Freedom Hai發出去釣魚前自拍相片。17:46又問對方男朋友有冇上街，Freedom hai回答男友是和理非，五飛即表示自己是「單身狗」，對方取笑有雪櫃陪瞓。18:45時五飛對話指「今晚專心調鋁熱彈」，Freedom Hai 說唔識cam(chem)，18:48時五飛說今年先學，自己生意同bio有關（之前做進出口爬蟲動物）。D1庭上解釋當時聽過示威者會整鋁熱彈，自己唔識扮識整，目的只是吸引異性注意自己。「今年先學」係指化學知識，只是吹水。代表律師關注為何用「調」？D1答應是「整」，可能打錯。
約看電影18:54五飛講下星期冇嘢做睇《人間失格》，D1指意思其實係想約對方睇戲。19:10時再發出一封示威者寫的信，D1現在唔記得內容，五飛問對方是否「我地隊」？Freedom Hai 答不是。19:19時Freedom Hai講交俾我哋唔會白白犧牲。五飛回覆自己放棄晒所有嘢去抗爭，一定要打低佢哋（圍攻理大警察）先至救到手足。D1向律師指自己意思是投入咗好多時間金錢同資源，用字可能誇張同煽情少少，因當時理大事件未完，示威者敗退，自我麻醉。
[13:43] 完庭，案件押後至明天(15/4) 08:45繼續。
