#陳仲衡法官
#20200307爆炸 #審訊 [124 / 75+25]
Part 1
D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
D1～D4 已還押逾61個月；D7 已還押逾37個月控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥
--------------
控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官
辯方代表：D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師
========
[09:00] 開庭
D1 案情，D1 作供 辯方主問
黑色iPhone (SN49) 繼續講「五飛」與「Freedom hai」的對話，2019/11/28 D1 在對話中講「要補償社會」，係因為之前做地產急功近利，社運時有十幾二十歲嘅年青人受傷，希望幫佢哋減少被捕和受傷。D1 認為理大之後示威開始式微，但講「好多散咗嘅Team 有contact 我」，咁樣講係敷衍freedom hai。「都有計劃，不過上次蛋糕設計失誤」，解釋蛋糕係加咗發泡膠嘅汽油彈，唔係炸彈，陳官
點解會講"設計"，D1 解釋用幾多發泡膠，用咩樽，綁啲乜嘢，都係設計。「我好辛苦抱住衝去EU車」，解釋呢句只係講嘅無做過。「希望呢幾日飛機試飛成功」，解釋係遙控機，希望影到警方部署，就唔會咁多人被捕。「我剛剛返到基地休息吓先」，解釋基地係油尖旺區嘅安全屋，唔係503室。「如果多人圍Poly我代你走出去救手足」，解釋最後無做到。2019/11/29 理大解封，freedom hai 聽手足講好多市民由A core 行入走，D1 講人多都無意思，除非班人可以跟大圍走；D1 解釋在29號晏啲有入過去，但帶唔到人走。陳官主動追問另一句
「我參與咁耐都係自己科水」係點解，D1 解釋當時係有啲有心人會贊助後生仔。「我哋科研要成功先claim到」呢句係指研究遙控飛機安裝鏡頭。2019/11/30 「在蝦皮網網購複合弓，搵人贊助兩三支弓」，解釋在理大之前有人提議示威者要用弓箭，理大之後覺得式微無得玩，練習射箭喺習武，咁樣講係想補保持形象，如果直接講無得玩會俾人鬧。
2019/12/02 D1 傳出一張相，右手攞住石油氣噴燈，左手揸住魷魚，係想表示自己有廚藝。
2019/12/03 D1 問freedom hai 想練習咩，承認只係紙上談兵，無教過，陳官
射箭係射靶，點會係自衛術？D1 解釋佢玩嘅射箭唔係射靶，係類似war game，用海綿箭對打。2019/12/08 freedom hai :「條女都有啲料，又知係日本刀？」D1 解釋係講緊反話，其實嗰把係木刀，在503室，無被警方檢取。D1 傳出一張改裝可加防彈鏡上去頭盔相片，「科技救國」，係誇張嘅說話。
2019/12/08 當日民陣有遊行，18:31 D1 傳出相片，當時在公園，問freedom hai 做乜入遮陣？表示今日好down，因為屠龍小隊被捕。指賣槍畀佢哋嗰個人係鬼。12月9日五飛話屠龍單嘢D家長黃晒，大家忍下手，不過自己天生比較難track少少。
2019/12/10 20:46 D1 傳出一張有幾包錫紙袋嘅相，律師指係在503室揾到嘅電路板。D1 解釋當時問TG網友點樣整IP cam，佢就傳咗張相，D1 轉發畀freedom hai，暗示買咗同抗爭有關嘅嘢。
D1 補充，到12月中，除非係涉及示威遊行，平日係約唔到freedom hai 出嚟，無機會更進一步，除咗用TG無其他聯絡。
2019/12/12 23:16 D1 傳出俾「滅時潘」起底嘅截圖，講「我隊友幫緊我」，隊友係Rachel，阿蛋，D4。
2019/12/13 19:15 D1 傳出另一張對話截圖，D1 指對方係曾經派過裝備俾佢嘅示威者，想搵佢認證返自己派過嘢俾佢，但對方第一句就morning sir，顯示對方唔信任用緊呢個Account嘅係邊個，於是就加上說話證明係自己。
2019/12/18 開始有對話講幫緊小朋友去旅行啲嘢，同意“小朋友"係指示威者，“去旅行"係走路，D1 解釋，因為佢經常出海，所以有人問佢意見，陳官
既然話危險，點解又搵船家。D1 指揸快艇去台灣係危險，要搵較大隻嘅船，有搵過香港船家，但無安排。[10:30 ~11:02] 休庭
Freedom Hai減少回應12月25及26日 五飛同Freedom Hai對話指網媒SoRec報導防暴警衝入旺角食肆時，有人從高處倒下受傷。Freedom Hai回應「WTF」，之後五飛指俾人捉嗰個係佢朋友，而五飛自己在旺角差啲俾狗夾（包圍）。12月26日五飛發訊話「今日乖乖地做手工」「倒數用」。Freedom Hai回覆「街坊埸我開始不了」。D1講上述對話意思係修整理大留下的裝備。法官指之前話示威靜下來有咩用？D1答在旺角仍有零星的示威，也期望除夕倒數日子有大型示威可以用。「街坊場」是指家中附近，通常去閙兩三句就散水。D1指自被網紅「搣時潘」起底後覺得Freedom Hai少咗關心、聯絡自己，感覺她以借口不出來。
五飛繼續解釋發訊息「我琴晚特登去感受佢哋部署，然後規劃倒數」是去實地考察，諗下除夕有拘捕時規劃協助後生示威者逃走路線。而五飛講「叉鷄飯同我講見到你」之前仲有幾句上文下理冇咗，只肯定對方Freedom Hai收到冇回應。大律師問邊個係「叉雞飯」，D1說不是之前控方呈堂TG的「叉雞飯呀屌你老母」或「叉雞飯阿陳」，D1是個冇見過的網友，從對話相信是男性，是用黑色iPhone SN49同佢聯絡。晚上五飛問Freedom Hai 12月31日夜晚有冇嘢做，對方說約咗人。
元朗大粒佬搵船家騙出海走佬1月2日五飛同Freedom Hai講剛剛出海釣魚同船家傾計聽番嚟，話原來元朗有大粒佬搵過好多船家offer佢哋周圍水學生課金可以走佬，之後食咗錢，送中失蹤又有。Freedom Hai問點解可以咁。之後五飛發出幾張圖片拍攝由之前講過還押女手足寫嘅信，話收到大家關心。
1月3日五飛問 Freedom Hai仲入唔入camp，D1指當時有朋友租咗曹公潭營地可以射箭同練武。1月25日訊息見五飛再向對方發出邀請加入TG群組「出咗事，退谷」連結，D1指是邀請對方加入一個冇咁激動示威群組繼續吹水，但當時唔係呢個名，可能事後群組管理員改咗名。
誇大放煙彈展示1月26日內容：
00:06 Freedom Hai：好勁，咩嚟？
00:07 五：煙彈、明天放
D1指1月25日晚23:53時發了一個訊息現在見delete咗，可能係限時或刪除咗的片段或圖片，應是放煙彈效果。
D1哽咽說果時Freedom Hai好似相信摵時潘起底內容回覆得好慢或者沒有回答自己，自己好委屈好唔忿氣。自從2019年11月做咗咁多嘢比搣時潘誣蔑而被人忘記咗付出過嘅嘢，自己冇回報只係想幫人，已經冇表示追求Freedom Hai，為何訊息只讀不回？D1認為自己唔需要咁誠實，於是開始將公海群組知道嘅消息推算會發生咩事再包裝成自己做。所以1月25日23:53時將拍攝拆咗包裝的煙霧滅蝨彈加水冒出殺蟲煙的情況傳比Freedom Hai。回答大律師是在藥房買到幾十蚊一個，目的係想比對方知煙彈效果，2019年7月1日時立法會時也見過示威者用過，呢個同rocket candy喺完全冇關係。說「明天放」只因在1月24或25日在群組知道有人會放煙彈迫醫護罷工，心急想講俾Freedom Hai聽，等佢知道自己會做嘢。
轉發92簽貼文1月27日明愛醫院事件後幾個小時五飛轉發92簽𐄘認責任貼文，D1想暗示比Freedom Hai知，誤導她自己同事件有關。下午時五飛再發訊要求Freedom Hai幫手分享有關明愛新聞及追蹤「92簽」頻道，並講解92簽是一隊虛擬前線，以後有乜都會認頭哂。之後五飛話打算分開發部、製作部、行動部及文宣部，問Freedom Hai想負責乜嘢部門？Freedom Hai答揀文宣部，之後再睇吓點。D1解釋自己只係扮識有份做的人（92簽），見到對方揀文宣即代表半退場，雙方之後減少咗聯絡。
2月17 ~19日對話見五飛指大家都好似靜咗落嚟，但我哋都仲會有行動，之後發出一個《將軍澳追悼會》群組連結，叫Freedom Hai玩嘅可以自己入。D1話仲有行動其實只是講吓維持返她對自己觀感，至於追悼會群組資訊是阿蛋發出比自己，D1純粹轉發俾朋友。
確認2月19日之後兩日沒有再以TG訊息聯絡。
D2電話