你知唔知新州候選人同中共嘅關係呢？

[emily]

仲剩返兩日投票，你又知唔知新州候選人同中共嘅關係呢？

我哋搜集左有關幾個同中共有關係嘅聯邦大選候選人嘅背景資料。中共喺聯邦大選嘅滲透已經唔係第一次被提出嘅疑慮，過去喺各省亦曾有候選人被揭發同中共，特別係統戰部，有聯繫嘅疑點。作為在澳港人嘅你，無論有冇投票權，都可以協助防止中共喺澳洲嘅滲透。本篇將簡單介紹三位有中共背景或關係嘅候選人: Zhi Soon (Banks)、Andy Yin (Bradfield) 以及 Alex Xu (Sydney)。

ZHI SOON
孫先志 Zhi Soon 為 Banks選區嘅工黨候選人。佢曾經到訪華人服務社（CASS）位於Peakhurst的樂年日間中心（華人服務社，2022）。CASS於2014年被委派為國務院僑務辦公室海外服務站，為中央統戰部統一領導海外統戰工作（McGregor et al., 2021）。

ANDY YIN
Bradfield選區獨立候選人 Andy Yin 仰正廷/仰永曉擁有多重身分，包括：澳洲中國一帶一路總商會會長、世界一帶一路聯合商會副會長、澳洲華人政治論壇主席 (Australian Chinese Political Forum) 、新南威爾斯 – 江蘇省總商會榮譽會長、澳中商業聯合會創辦人之一及董事局主席、澳洲國際投資貿易文化協會主席 (Australian International Investment Trade and Culture Association; Andy说, 2021; 澳洲财政见闻, 2017)。2017年10月孫津副廳長會見了澳洲-中國「一帶一路」總商會、澳洲新南威爾斯-中國江蘇省總商會考察團，和考察團團長夢然先生及其一行進行友好交流，其中包括 Andy Yin (下左三) 及疑似其母親仰曉苹（下右三; 江苏省商务厅, 2017; 澳中文傳 (AUST333), 2014）。

2023年 Andy Yin 預期為Strathfield自由黨候選人，但資金來源受質疑，以及被質疑參與澳華論壇、澳大利亞國際投資貿易文化協會、the Greater Sydney Chinese Business Forum，最終於黨內背景審查後臨陣換人 (Paige, 2023)。

退出自由黨後，Andy Yin作為獨立候選人嘅2025選舉造勢大會獲Parramatta市議員陳瀟Charles Chen、喬治河市市議員王斌 Ben Wang、前新州上議院副院長何沈慧霞 及多位華人社區/商會領袖支持，包括澳大利亞無錫總商會會長仰曉苹、澳洲福建會館 (屬澳洲中國和平統一促進會旗下組織) 、澳大利亞深圳社團、澳大利亞河南同鄉會、澳大利亞南京同鄉總會、澳大利亞悉尼南京商會執行、澳大利亞汕尾同鄉會、華貿會常務副主席、澳大利亞天津同鄉聯誼會、澳大利亞上海同鄉會、全澳中國和平統一促進同盟名譽主席、澳大利亞悉尼北京會、澳大利亞悉尼北京會、紐省華人婦女聯合會、澳洲中國青年企業家聯合會、澳大利亞國際卓商俱樂部等社團代表 (悉尼宝贝, 2025)。

疑似Andy Yin嘅母親仰曉苹/仰海倫為澳洲中國一帶一路總商會常務副主席、新南威爾斯 – 江蘇省總商會會長、澳洲華人團體協會執行理事、澳洲無錫同鄉會（悉尼）會長 (澳洲财政见闻, 2017; 江苏省侨联, 2019)。 2019年8月仰曉苹作為無錫同鄉會會長於悉尼中央火車站前舉行「支援一個中國，挺港警執法、守護香港」的遊行集會 (无锡市侨联, 2019)。

ALEX XU
悉尼選區自由黨候選人徐可 Alex Xu 為 Royal Star Wine 洛伊斯達酒莊嘅董事長，2017年其公司悉尼據點開張慶祝活動曾邀澳洲中國和平統一促進會常務副會長楊志唯剪綵 (万商汇, 2017)。該酒莊嘅合作單位包括：澳洲河南商會、澳洲河南同鄉會常務副會長、河南省外地駐豫經貿機構協會等 (万商汇, 2017)。
2024年出選悉尼市議會時，曾與前Ryde市副市長周碩 Simon Zhou、Strathfield市議員 蔡定杰 Benjamin Cai 、其他候選人羅沖 Felix Lo、陳瀟 Charles Chen 跨黨派聯辦造勢大會，獲多個本地華人社團的支持，包括澳中工商聯合會、悉尼北京會、北方六省聯盟、東北同鄉會、楚商聯合會、山東同鄉會、惠州商會、汕尾同鄉會、川渝同鄉會、江西同鄉會、安徽同鄉會 (同時為安徽海外僑胞聯絡站)、河南同鄉會 (KT, 2024)。

（資料同圖片來源喺comments）

2025 Australian Federal Election #auspol #nswpol #politics #federalelection #federalelection2025 #banks #zhisoon #bradfield #andyyin #sydney #alexxu

Credit: HKPACENSW

https://www.instagram.com/hkpacensw?igs ... o4Ym1pZGZn