在剛過去嘅星期六，Birmingham HongKongers 在伯明翰市中心舉行了以「全球制裁 天下圍攻」作主題的831集會。現場有一眾義工向本地人宣講中共港共政府暴行，並即場鼓勵人參加聯署，呼籲英政府制裁違反中英聯合聲明的人士。
現場所見，本地人普遍反應正面。特別因為伯明翰本身就是種族多元城市，當中有不少人是在極權政府壓迫之下逃難到英國，因此較容易對香港故事產生共鳴，亦會詢問可以如何幫助香港人。今次集會更是我們第一次見證本地人自發捐款予細葉榕。
集會當日，有個來自旁邊穆斯林檔口的年青人主動過來了解香港故事。年青人聽咗一陣就即刻話同新疆情況一樣，然後即場影低個宣傳單張並send去佢自己嘅朋友group。
又有一位本地白人女士向義工表示，佢2019年抗爭運動期間在金鐘食飯，食完離開餐廳就遇上放催淚彈，永世難忘。佢好主動地同佢個女講佢2019年係香港發生嘅事。
另有一個巴基斯坦
女子，睇完現場展出的抗爭相片後，主動上前問義工究竟發生咩事？佢顯然唔知2019香港發生嘅事。經義工講解後，佢好感觸咁講巴基斯坦政府都係捉咗啲政治人物去坐監，都係無人權，無道理嘅。最後佢攞咗單張，話會scan 同簽署支持香港人。每個來自五湖四海，不同背景的人，因為普世價值連結在一起。大家互相鼓勵一番，香港人的同行者又豈止有香港人？深耕細作，從來都是助人自助。同一天空下，我們從不孤單。
https://m.facebook.com/story.php?story_ ... 7099118558
https://x.com/birminghamhkers/status/16 ... XFjHewAFzw
